لا ما يحتاج الشخص كارديو بشكل أساسي إذا كان هدفه التنشيف , الكارديو هو أداة لها استخداماتها مو شي أساسي و ضروري
ما في وقت محدد للوصول للنتيجة سواء كانت زيادة في الكتلة العضلية او خسارة دهون , لأنها تختلف على حسب عدة عوامل مثل الجينات و العمر التدريبي و نشاط الشخص و روتين حياته
و لكن اذا التزمت اضمن لك انك راح توصل لهدفك
في الأول و الأخير عدد أيام التمرين راح يكون مبني على عدد الأيام المناسب للمتدرب و اللي يضمن استمراريته حتى لو كنت ماتقدر تتمرن الا يوم او يومين في الاسبوع
المكملات من اسمها ” مكملات” هي تكمل و تضيف بشكل بسيط لتطورك و مو شرط أساسي توافرها للوصول للنتيجة المطلوبة دام الأساسيات موجودة (تغذية – تمرين – استشفاء)
و لكن بعض المكملات راح تسهل عليك رحلتك و تطورك و راح توصلك قائمة بالمكملات اللي ارشحها و جرعاتها اذا ما تقدر توفر المغذيات من الأكل
و في بعض الحالات بطلب فحص او تحليل بحيث أقدر أعرف العنصر اللي يحتاج تعويضه من خلال المكمل
ممكن أصمم جدول تدريب منزلي للشخص إذا راح يتمرن بالبيت و راح يحقق نتيجة ممتازة دام انه ملتزم و يتمرن بشدة كافية
المكالمة للأسف غير متاحة بسبب عدم توفر الوقت وعدم ضرورتها مع وجود فورم التدريب اللي من خلالة راح اعرف عنك كل شي سواً من ناحية الماضي الرياضي والوضع الحالي والهدف المستقبلي.
وتواصلنا راح يكون من خلال الواتس اب طوال فترة الاشتراك وراح تلقاني معك طوال ايام الاسبوع ماعدا يوم الخميس والجمعه.
للرجال يفضل / الاناث مرفوض
ما راح يحتاج اكثر من 5 دقائق تعبي فيها البيانات يوميا
